Qozog‘istonda virtual sudlar paydo bo‘ladi

Qozog‘iston sudlari raqamlashtirish doirasida IT-texnologiyalardan faol foydalanishi kerak. Mamlakat Oliy sudi raisi Jakip Asanov juma kuni bo‘lib o‘tgan kengaytirilgan yig‘ilish davomida mamlakatda 2-3 yil ichida virtual sudlarni tashkil etish vazifasini qo‘ydi. Bu fuqarolar qayerda joylashganidan qat'iy nazar, yig‘ilishlarda ishtirok etishlari, kabinetlarni qidirib yurishlari bilan bog‘liq ortiqcha ovoragarchiliklarning oldini olish uchun kerak.

«Biz hozir shunday qilishimiz kerakki, har bir sudya IT-texnologiyalar imkoniyatidan samarali foydalanishi lozim. Bunga ikki-uch yilga mo‘ljallangan vazifa yuklamoqdamiz – virtual sudlarni yaratish. Bu jarayonning barcha qatnashchilarini sud zalida yig‘ish uchun kerak bo‘ladi», - degan Asanov.

Bundan tashqari, mamlakat Oliy sudi raisi xodimlarga sud kabineti ishini sudya va professional sifatida emas, balki oddiy fuqaro sifatida tahlil qilish vazifasini yukladi.