Yangi 303 ta avtobus yo‘nalishi ochiladi

Yaqin istiqbolda mamlakatda yana 303 ta yangi avtobus yo‘nalishi joriy etiladi. Ularning 240 tasi qishloq joylariga mo‘ljallangan. 2000 yilda respublika bo‘yicha 2032 ta yo‘nalishda aholiga xizmat ko‘rsatilgan bo‘lsa, endilikda bu ko‘rsatkich 4375taga yetdi, deb yozmoqda “Xalq so‘zi”.

Qolaversa, avtobuslarda “onlayn” GPS tizimi orqali masofadan kuzatish tizimi joriy etilyapti. 

Respublika avtomobil va daryo transporti agentligi ma'lumotlariga ko‘ra, ayni paytda mamlakatning turli shaharlarida avtobus va mikroavtobuslarga shunday qurilmalar o‘rnatilib, sinovdan o‘tkazilmoqda. 

Markaziy Osiyoda birinchi bo‘lib jamoat transportida yo‘l haqini naqd pulsiz to‘lash tizimi amalga kiritilmoqda. Respublikaning barcha shaharlarida bosqichma-bosqich joriy etiladigan bu jarayonga mo‘ljallangan qurilmalar Xitoyning “YIWU ANGNU TRADING COMPANY” kompaniyasi tomonidan yetkazib beriladi.