Chorshanba oqshomida Angliya premer-ligasining 25-turidan o‘rin olgan yetti uchrashuv bilan tur o‘yinlariga yakun yasaldi. Kunning eng markaziy uchrashuvi «Uembli»da bo‘lib o‘tdi.
«Manchester Yunayted»ni qabul qilgan «Tottenhem» bu uchrashuvda raqibidan ustunlik qildi va ishonchli g‘alabani qo‘lga kiritdi. Uchrashuvning 11-soniyasidayoq Kristian Eriksen mezbonlarni hisobda oldinga olib chiqdi va APL tarixidagi eng tezkor kiritilgan gollardan biriga mualliflik qildi. Bo‘lim o‘rtalarida Fil Jons o‘z darvozasini ishg‘ol qilib, raqib g‘alabasini mustahkamladi.
Eng kutilmagan natija ham Londonda kuzatildi. «Chelsi» o‘z uyida «Bornmut»ni qabul qilib, yirik 0:3 hisobida imkoniyatni boy berib qo‘ydi. Peshqadam «Manchester Siti» esa yetakchilarning ochko yo‘qotishidan unumli foydalandi. «Vest Bromvich»ni qabul qilgan Pep Gvardiola shogirdlari Fernandino, Kevin De Bryuyne va Serxio Aguerolar tomonidan kiritilgan gollar evaziga yirik hisobda zafar quchdi — 3:0. «Everton» «Lester»dan ustun kelgan bo‘lsa, qolgan uch uchrashuvda g‘olib aniqlanmadi.
G‘alabadan so‘ng «Manchester Siti» ochkolari sonini 68taga yetkazib oldi. «Manchester Yunayted» esa 53 ochko bilan 2-o‘rinda qoldi. Endilikda ikki jamoa o‘rtasidagi farq yana 15 ochkogacha oshdi. «Chelsi» esa 2-o‘ringa ko‘tarilish imkoniyatini boy berib, 50 ochko bilan 4-pog‘onaga tushib ketdi. O‘z navbatida «Tottenhem» 48 ochko bilan 5-o‘ringa mustahkam joylashdi va YeChL yo‘llanmasini beruvchi o‘rinlarga juda yaqin keldi.
Angliya premer-ligasi, 25-tur
Tottenhem – Manchester Yunayted 2:0 (2:0)
Gollar: Eriksen (1), Jons (28, avtogol).
Tottenhem: Loris, Sanches, Devis, Tripper, Vertongen, Eriksen, Dembele (Vanyama, 90), Dayyer, Alli (Sissoko, 88), Son Hyong Min (Lamela, 80), Keyn.
Manchester Yunayted: De Xea, Jons, Smolling, Valensiya, Matich, Yang, Lingard (Fellayni, 63; Errera, 70), Pogba (Mata, 63), Sanches, Marsyal, Lukaku.
Ogohlantirishlar: Dembele (13), Djons (38), Yang (73), Alli (85).
Manchester Siti – Vest Bromvich 3:0 (1:0)
Gollar: Fernandino (19), de Bryuyne (68), Aguero (89).
Manchester Siti: Ederson, Uoker, Otamendi, Laport, Zinchenko, de Bryuyne (Braim Dias, 78), Silva (Gyundogan, 39), Bernardu Silva, Fernandino, Sterling, Aguero.
Vest Bromvich: Foster, Makoli, Douson, Xegazi, Nom, Makkleyn, Fild (Fillips, 55), Yakob, Kryxovyak (Berri, 33), Rodriges, Rondon (Starridj, 78).
Ogohlantirishlar: Silva (32), Makkleyn (69), Rondon (75), Fillips (85).
Chelsi – Bornmut 0:3 (0:0)
Gollar: Uilson (51), Stanislas (64), Ake (67).
Chelsi: Kurtua, Keyxill, Kristensen (Ryudiger, 28), Alonso, Aspilikueta, Azar, Kante, Pedro, Bakayoko, Barkli (Fabregas, 54), Dzappakosta (Xadson-Odoi, 65).
Bornmut: Begovich, Kuk, Deniels, Frensis, Ake, Gosling, Kuk, Stanislas (King, 71), Ayb (Pyu, 83), Freyzer, Uilson (Musse, 90).
Ogohlantirish: Fabregas (77).
Everton – Lester 2:1 (2:0)
Gollar: Uolkott (25, 39) – Vardi (71, penalti).
Sauthempton – Brayton 1:1 (0:1)
Gollar: Stivens (64) – Myurrey (14, penalti).
Nyukasl – Byornli 1:1 (0:0)
Gollar: Lassels (65) – Darlou (85, avtogol).
Stok Siti – Uotford 0:0
