Toshkent shahrining Chilonzor tumanida jinoyat yuz berdi, deb xabar qilmoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.
Qayd etilishicha, 22 yanvar kuni noma'lum shaxs Chilonzor tumani 16-dahasida joylashgan gul do‘konidagi divan ustida qarovsiz qoldirilgan, shu do‘kon rahbariga tegishli bo‘lgan ichida 330.000 so‘m puli, 5.500 AQSh dollari, do‘kon kalitlari, hujjatlari va muhri bo‘lgan sumkasini o‘g‘irlab ketgan.
Ko‘rilgan choralar natijasida ushbu jinoyatni Uchtepa tumani Yu.Sakkokiy ko‘chasi 17-uyda yashovchi, 1974 yilda tug‘ilgan M.O‘. sodir etganligi aniqlanib ushlangan.
