Angliya Premer-Ligasi rahbariyati qishki tanaffus joriy etish masalasini ko‘rib chiqmoqda. BBC xabariga ko‘ra, agar televizion huquqlar bo‘yicha kelishuvga erishilsa, Angliya futbolida jiddiy o‘zgarish ro‘y beradi.
Bu masala juda tig‘iz taqvim tufayli, futbolchilarning jarohatidan shikoyat qilayotgan murabbiylarning talabiga ko‘ra kun tartibiga chiqqan.
Nashrning qayd etishicha, tomonlar bu borada muzokaralarni boshlashga tayyor. Ammo yangilik amaldagi telehuquq shartnomalari tufayli, faqat 2019/20 mavsumidan boshlab joriy qilinishi mumkin. Shu bilan birga, chempionatda Boxing day yo‘qolmaydi.
