Foto: Reuters/Thierry Charlier
AQSh prezidenti Donald Tramp Britaniya bosh vaziri Tereza Mey bilan telefon orqali muloqot o‘tkazdi. Bu haqda Oq uy xabarida aytiladi.
«Bosh vazir Mey prezident Trampga yaqinda Xitoyga amalga oshirgan tashrifi haqida aytib berdi. Yetakchilar barcha manfaatdor davlatlar Shimoliy Koreyaga bosimni kuchaytirishi lozimligiga qo‘shilishdi. Bu ushbu mamlakat yadro qurolidan xoli bo‘lmaguncha davom etishi kerak», - deyiladi xabarda.
Shuningdek, Tramp va Mey huquqni muhofaza qiluvchi organlarning o‘zaro aloqalarini yo‘lga qo‘yishda yordam berishi mumkin bo‘lgan ma'lumotni almashish bo‘yicha kelishuvni muhokama etgan.
