AQSh aholisi g‘alati tabiiy hodisaga guvoh bo‘ldi 

AQShning Virginiya shtati osmoni uzra bir necha kilometr uzunlikdagi ulkan bulut paydo bo‘ldi. Bundan YouTube’dagi ViralHog kanalida joylashtirilgan kadrlar darak bermoqda.

Xabar qilinishicha, g‘aroyib tabiiy hodisa 5 fevralda Virginiyaning Richmondi osmonida ro‘y berdi.

«Men ishga ketishga hozirlik ko‘rayotgandim va pushti rangdagi noyob nurni payqadim. Pardani ochdim hamda osmondagi bu sehrli bulutga guvoh bo‘ldim. Osmon meni hayratda qoldirdi, biroq bu juda noyob hodisa edi», - deya video muallifining so‘zlarini keltirgan ViralHog.