Qirg‘izistonda tez yordam pullik bo‘ladi

Qirg‘izistonda shoshilinch tibbiy yordam pullik bo‘ladi. Bugun mamlakat Sog‘liqni saqlash vazirligi hay'at yig‘ilishida ushbu taklif muhokama etildi.

Majburiy tibbiy sug‘urta fondi rahbari Marat Kaliyevning so‘zlariga ko‘ra, bemorlarni olib o‘tish uchun juda katta mablag‘lar sarflanmoqda.

«Olib o‘tishni pullik qiladigan payt keldi. Albatta, shoshilinch tibbiy yordam xizmatlari bepul bo‘lib qoladigan fuqarolarning alohida toifasi saqlanib qoladi. Xorijda hech kim «tez yordam»ni shunchaki chaqirmaydi, sababi buning uchun pul to‘lash kerakligini bilishadi», - deya ma'lum qildi Marat Kaliyev.

U yangilikni mintaqalarda joriy etishni boshlash taklifi bilan chiqdi, u yerda chaqiriqlar soni nisbatan kamroq ekani aytildi. Sog‘liqni saqlash vaziri Talatbek Botiraliyev uning fikriga qo‘shilib, «sog‘liqni saqlashda har doim pul yetishmasligini» bildirdi.