«Supermen» bölsa ham öz yurtida munosib iş örin bölmasa, yoşlarning qanoti sinib qolmaydimi?
|01:30 / 12.02.201825 1139 min
Bu mavzuda yozmayman, Qur'on suralaridan tilovat qilib haqlariga bağişlayman, çiroyli duolar bilan sabr qilaman, yaqinlariga, xalqimga sabru jamil sörayman, degan edim.
Vafot etganlar içida 1996 yildan keyin tuğilgan yigitlar ham bor ekan!
Böz yigitlar!
Dangasa, sayoq emas, öz Vatanida tuzukroq maoşli iş topa olmay, oilasidagi katta-kiçik taşvişni hal qilaman deb, qahraton qişda iş izlab ketgan yoş bolalar!
Tönğiçimdan atigi uç yoşgina katta bölgan Murodillayev Bahodirjon, Abdullajonov Ismoiljon, Husniddinov Muhammadinlar 1998 yilda tuğilgan, hayotda oq-qorani yaxşiroq tanimagan, çimildiq körmagan navqiron, navnihol yurtdoşlarim!
Olov içida, jon talvasasida nimalar haqida öyladingiz?
Balki ortingizdan möltirab qolgan onaizor, çorasizlikdan bağridan ketqizgan ota, iymanibgina "kutaman" deb qolgan yoringiznimi?..
Öz bolamga termulaman. Ruçkani tişlagança, şirin hayollar surib ötiribdi. Öziça uy vazifalarini qilyapti. Yaxşi öqişga, hayotda öz örnini topişga intilyapti.
Axir siz ham keçagina Boburimday kulib, dars tayyorlab ötirgan edingiz-ku...
TV dan yangrayotgan şöx musiqasini «ming la'nat» deb öçiramanu, tilimda, dilimda yiğilib qolgan zahrimni kimgadir soçgim keladi.
Kim ekanligini ham bilaman.
Aybdor köp, ammo eng kattalariga aytadigan ikki oğiz gapim bor!
Bir dunyo maşhur-maşhur tayin, betayin agitatorni yiğib, bir olam va'dalar bilan Namanganning Töraqörğoniga ham borgan bitta zör taşkilot bor. Çekka qişloqlargaça yetib, qadamlarini suratga oldirib, joylardagi haqiqiy ahvol bilan tanişib xalqni umidvor qilgan, katta-katta va'dalar bergan va'daboz taşkilot bor!
Malol kelmasa uç-törttagina savolimga javob bering!
Xalq çöntagidan çiqib, faoliyatingiz uçun ajratilayotgan milliard-milliardlarda yonib ketgan yoşlarning nasibasi yöqmidi?
Yoki siz faoliyat deganida faqatgina römol yeçtiriş, kollejga kirib dars buziş, Enrikening konsertida dikonglab sakraşnigina tuşunasizmi?
Mavzuga oid
Bu bilan sizni butunlay qoralamoqçi emasman. Safingizda sidqidildan nimadir qilmoqçi bölayotgan qoraközlarni ham köryapman. Ammo ular barmoq bilan sanarli.
Nima uçun xalq mehrini qozona olmayotganingizni aytaymi?
Çunki siz xalq bilan hamnafas emassiz!
Jilla qursa, öşa yonib ketgan qoraközlarga samolyot yoki poyezning biletiga yetadigan mablağni Ittifoq ğaznasiga tuşayotgan pullardan qarzga berib turiş mumkin edi. Biroq bu faollaringizning birortasining hayoliga kelmagan!
Yoki minglab işga ketayotgan öğil-qizlarga bexatar, betalofat marşrut taşkil qilib, faoliyatini nazorat qiliş, ularning issiq-sovuğidan boxabar bölib turadigan şö'ba taşkil qiliş rejangizda ham yöq!
Beş yil avval farzandida tuğma yurak porogi bor Uluğbek ismli yigit operatsiya uçun pul topaman deb Rossiyaga ketib beiz yöqolgan. Uni ötgan yili Moskvadagi metrolarning birida tilançilik qilib yurganini körişgan. Esi kirdi-çiqdi, bir ahvolda ekan.
Siz öşa öttizga ham kirmagan, qaçonlardir eng a'lo baholarga öqigan yurtoşimiz haqida biror marta suriştirdingizmi?
Otasini kuta-kuta operatsiyasiz ölib ketgan farzandidan biror marta xabar oldingizmi?
Farzand, nevara doğini kötara olmagan ota-ona ölimidan söng xonadoniga borib fojia sabablari bilan qiziqdingizmi?! Yöq!
Tirikçilik qilaman deb Özbekiston-Qirğiziston çegaralarida minglab yoşlar «JK»ning 154- moddasini buzib, noqonuniy mol olib ötişardi. Qançalari militsiyadan qoçib avtohalokatlarda juvonmarg bölişdi. «Bu uç - tört yil oldingi gap...», dersiz, biroq yana çegaralar oçilib, «ellik törtçilar» ğimirlab qolişdi. Birorta faolingiz borib çegara hududlaridagi yoşlar hayoti, turmuş tarzini jiddiyroq tahlil qilib, amaliy çoralar köryaptimi?
Nimaga kuyib ketayotganimni endi tuşunayotgandirsiz?!
Ölib ketgan öşa 52 ta vatandoşim, «ellik törtçi» bölmay, öğrilik, ğarlik, yulğiçlik qilmay, halol pul topay», deb sovuq ölkalarga yöl olişgandi.
Siz öşa halol, pok, nomusu iymoni butun yoşlarni asrab qolmadingiz!
Nega çegarada bitta ştabingiz yöq? Ketayotganlarni qörqitmay, dildan suhbatlaşadigan mutaxassislaringiz yöq! Agar siz ozgina mablağ ajratib, özingizning ta'biringiz bilan aytganda «uyuşmagan» dilbandlarimizning diliga yöl topa olganingizda «avtobusgagina pulim bor, jonimni garovga qöyib ketyapman», degan nolalalarini eşitgan bölar edingiz...
Yana öşa yonayotgan avtobus köz oldimdan ketmayapti...
Eh, qani endi Prezident bitta buyruq bersa-yu, oxiri yöq çet el safarlariga zamonaviy, texnik soz samolyotlarda emas, litsenziyasi bitgan şaloği çiqqan avtobuslarda çiqsangiz!
Siz Vatanga qaytarmoqçi bölayotgan mardikorlarning oldiga it azobida yetib borsangiz!
Qani endi rostdan ham uyuşmaganlarni uyuştirib, muammolarini hal eta olsangiz!
«Vahima qilmang, Ittifoq muammolarni örganyapti», deb oğzimga urdi bittasi.
Qaçongaça faqat örganansiz?!
Bir vaqtlar Talabalar şaharçasida taşkil qilingan Yoşlar muammolari instituti bölardi. Öşa yerdagi faoliyatingizdan ham yaxşigina xabarim bor.
Yoşlarning muammolarini öşanda ham hal qila olmagansiz!
«Unday qilamiz, bunday qilyapmiz», deb nafaqagaça yetib olsangiz böldi! Izingizdan yana bitta va'daboz keladi. Özbekning şöri, özbekning fojiasi şuki, umid qilib, işonib, «Tinç yaşayapmizku», deb ketaveradi....
Hozir nimadan qörqayotganimni bilasizmi? Öğillarim a'loçi, mehnatkaş, ammo yana ikki yoki uç yildan söng ularni qanday qismat kutyapti?!
«Supermen» bölsa ham öz yurtida munosib iş örin bölmasa, qanoti sinib qolmaydimi?
Halol biznes qilaman desa-yu, eng kam foizli (14 foiz kammi!) kredit bergan banklarning özi sindirib qöysa, inson huquqlari kafolatlangan Amerika yoki Yevropani orzu qilib qolmaydimi?
Ota yoki bobosidan meros qolgan joyda tirikçilik qilmoqçi bölsa-yu , “tuzukroq ta'mirlanmagan”, degan bahonalar bilan bino tortib olinib, auksionga qöyilsa, tadbirkorlikni taşlab poraxör yoki kazzob bölmaydimi?!
Oliygohni bitirsa-yu, eng zör diplom bilan munosib yaşaşga yaraşa pul topa olmasa, Özbekistonni taşlab, bola-çaqasini olib, yaxşi mutaxassislarni jon-jon deb kutib oladigan davlatlarga boş olib ketmaydimi?
ENG YoMONI KeÇAGI YIGITLAR KABI YoNIB KeTMAYDIMI?!
KUYIB KeTMAYDIMI?!
ASTAĞFIRULLOH!
ALLOH HAR BIR BANDASINI ÖZ PANOHIDA ASRASIN!
Közingizni kattaroq oçing!
Siz ötirgan kursilarning hammasi xalqning puliga kelgan. Şunday ekan xalqning bolalarini, har birini ehtiyot qilib, köz qoraçiğingizday asraşingiz şart!
Men onaman!
Faqat öz farzandim emas, yetti yot begonaning bolasini ham xor bölib ölişini aslo istamayman!
Şunday ekan, xalq taşkilotingizga ötkazayotgan milliardlarning tiyinigaça hisobot berişingizni talab qilaman!
Yana bir gap.
Reklamangiz uçun xizmat qilayotgan soxta vatanparvar raqqos, maşşoq, şoir artistlarning zarraça uyati bölsa, öyin kulgungizga aralaşmay, bu fojiadan söng umrining oxirigaça aza tutadi!
Keçagi olovda faqat 52 vatandoşim emas, VATANIM, yondi!
Ming afsuski! Omonillo, Muhammadrizo, Şoxrux, Alişer, Vohidjon, Ahmadjon, Ma'murjon, Komiljon, Abdulatif, Ibrohimjon, Mirzohid, Nurmuhammad, Olimjon, Solijon hatto Qahramonning bolalariga otalik qila olmaysiz! Onalariga öğil örnini bosa olmaysiz!
Ammo şu yurt bolasi bölsangiz, endi yölga çiqmoqçi bölayotgan minglab öğil-qizlarga amaliy yordam berişingiz şart!
