Özbekistonda Qur'on musobaqasi ötkazilmoqda. Markaziy naşrlar, nega jimsiz?

Prezidentning Davlat maslahatçisi, senator, Yoshlar ittifoqi raisi Qahramon Quronboyev Qur'on musobaqasini ötkazişdan eng asosiy maqsad yoşlarning Islom diniga bölgan e'tiborini yanada oşiriş, ularning imon-e'tiqodini yanada ziyoda qiliş ekanini aytdi. Musobaqaning respublika bosqiçini eng yuqori darajada taşkil etamiz, deb alohida ta'kidladi.

Namangan, Sirdaryo, Qaşqadaryo, viloyatlarida şaxsan viloyat hokimi, Jizzax, Andijon, Xorazmda esa viloyat hokimi örinbosarlari, Surxondaryo, Samarqand viloyatlari va Çirçiq şahrida hokimiyatning mas'ul xodimlari musobaqa qatnaşuvçilarini tabriklab ularga muvaffaqiyatlar tiladi. Bu e'tibor uşbu rahbarlarning öz aholisi ma'naviyatiga befarq emasligini körsatadi. Ayniqsa, Navoiy şahar hokimi Umarbek Xalilovning “Allohning kalomini yod olgan kişi heç qaçon kam bölmaydi”, Namangan viloyati hokimi Xayrullo Bozorovning “Islom diniga berilgan erkinlikni Qur'on musobaqasi dunyoga yana bir karra isbotladi” degan sözlari bilan boşlangan çiqişlari barçani quvontirdi.

Internet saytlarida musobaqa keng yoritilmoqda. Mamlakatimizning 12 ta hududida ötkazilgan tuman-şahar saralaş bosqiçlari saytlarda jonli efirda yoritilmoqda. Bu borada Diniy idoraning muslim.uz sayti juda faol harakat qilayotir. Onlayn videolar bir oy davomida bir million marta körilib, musobaqa materiallari har haftada qariyb bir milliondan ortiq qamrovga erişdi.

Uşbu ma'lumotlarga diniy idoraning hududiy vakilliklarining rasmiy saytlari va xususiy saytlar e'lon qilgan materiallarni qöşsak, bu sonlar bir neça millionlarni taşkil etadi. Şundan kelib çiqib aytganda, Qur'on musobaqasini xalqimiz behad intiqlik bilan qarşi oldi.

Şu örinda kun.uz, daryo.uz, azon.uz, islom.uz, muslimat.uz, xabar.uz, asr.uz darakchi.uz, sof.uz, podrobno.uz, uz24.uz, telegraf.uz va xorijdagi interfaks.ru, islam-today.ru, sputniknews-uz.com, regnum.ru, rusisworld.comkabi axborot saytlari musobaqani yoritişda yetakçilik qilayotganlarini alohida qayd etiş lozim.

Respublikamizning aksar viloyatlaridagi yirik peşlavhalarda Qur'on musobaqasining e'lonlari berilgani xalqimizning kayfiyatini yanada kötardi.

Özbekiston milliy teleradiokompaniyasining qator telekanallarida, jumladan, “Madaniyat va ma’rifat”, “Yoshlar”, “Uzbekiston-24” kanallarida Qur'on musobaqasining muntazam efirga uzatilayotgani, informatsion körsatuvlarda musobaqaning davom etayotgani haqida lavhalar berib borilayotgani barçamizni quvontirmoqda.

Yurtdoşlarimizning taklif va istaklari inobatga olinib, 12 fevraldan boşlab Qur'on musobaqasi uçun “Madaniyat va ma’rifat” telekanali dasturidan maxsus vaqt ajratildi. Endi musobaqa haqida lavhalar har kuni muayyan bir vaqtda oynaijahonda uzatilmoqda.

Ötgan hafta davlatimiz rahbari Toşkent şahridagi bunyodkorlik işlari bilan tanişiş jarayonida Çilonzor tumanidagi yangi barpo etilayotgan masjidga Şayx Muhammad Sodiq Muhammad Yusuf nomini berişni taklif etdiki, bu xalqimizning yurtboşimizga bölgan muhabbatini yanada ziyoda qildi. Prezidentimiz xayrli iş boşlanişi oldidan, Şayx hazratlarining şaxsiyati haqida iliq sözlarni aytib, Qur'oni karimga bölgan samimiy munosabatini yana bir karra: “Qur'onni öqigan odam, uni ilmiy bilgan odam heç qaçon kam bölmaydi”, deb ifodaladi.

Bu – ayni haqiqat, donişmandning sözidir. Darhaqiqat, Allohning kalomini tilovat qiliş böyiça musobaqa ötkaziş ğoyasi, Uning ilmlarini örganiş böyiça markazlaru maktablar, oliy öquv yurtlari, akademiyalar taşkil etiş uyğoq qalblarga yanada ilhom bağişlab, ğaflatdagi qalblarni esa uyğotib yubordi. Bu öquv markazlari xalqimizning asl milliyligiga qaytişiga özining ulkan hissasini qöşadi, inşoalloh.

Ortda qolmaylik, eskiça ehtiyotkorlikdan voz keçaylik

Xalqimizning asr oşa töplanib kelgan orzulari röyobga çiqib, jonajon yurtimizda köz körib, quloq eşitmagan islohotlar bölayotir. Har kuni bir yangilik, bir xuşxabar eşitmoqdamiz. Odamlar ma'naviyatida ham tubdan özgarişlar bölayotgani, dinu diyonatni örganişga, kitob mutolaa qilişga hamda ilm olişga bölgan iştiyoq ortayotganini kuzatiş mumkin.

Qur'on musobaqasini butun diyorimiz böylab xalqimiz bayram qilmoqda, qariyb hamma OAV yoritmoqda. Biroq “Xalq sözi”, “Özbekiston ovozi”, “Narodnoye slovo”, “Pravda Vostoka” va Özbekiston axborot agentligi kabi respublikamizdagi eng yetakçi, xalqning quvonçu taşvişlari bilan yaşaydigan naşrlar yoritmayotgani hammani ajablantirdi. Diyorimiz buyuk olimu ulamolar zamini ekanini butun dunyoga körsatiş fursati paydo bölgan vaqtda, mutasaddi vazirliklar, xorijdagi elçixonalarimiz saytlari sukut saqlab turibdi. Bu unçalik ijobiy hodisa emas. Ayrim viloyat rahbarlari nega ana şunday katta şodiyona tadbirlarga e'tiborsiz qaramoqda yoki buning bir siri bormi?..

Mamlakatimiz rahbari Qur'on musobaqasini keng jamoatçilikka körsatişni talab qilib turgan bir pallada voqealar rivojidan çetda turiş, aqalli bitta ham material e'lon qilmaslikning zamirida bizga qoronğu bölgan nimalar bor? Aslida bu kabi ommaviy tadbirlarni hamma taşkilotlar öz naşrlarida, veb-saytlarida yoritib borsalar yaxşi emasmi. Zotan, Prezidentimiz ham aynan şuni talab qilmayaptimi!

Yetakçi naşrlarimiz yurtimizning qaysi bir kunjagida bir arzimagan voqea sodir bölsa, öşani yoritmayaptimi? Öşa kiçkinagina hodisani körgan közlari butun dunyoga dovruq solayotgan Qur'on musobaqasini körmayotganini nima deb tuşuniş mumkin?

Islom dinida xayrli işlarda sadoqat bilan xizmat qiladigan insonlar doim uluğlanadi. Qur'oni karimda Alloh taolo: “Ayting: «Işlangiz! Albatta, Alloh, Rasuli va möminlar işlaringizni körajaklar. Şuningdek, albatta, ğoyib va oşkora (işlar)ni biluvçi (zot) huzuriga qaytarilursiz. Bas, (öşanda) sizlarga qilgan işlaringiz xabarini berur” (Tavba, 105), deb ta'kidlagan.

Hazrati Payğambarimiz sollallohu alayhi vasallam: “Albatta, Alloh taolo sizlardan biringiz amal qilib, öşa amalini mohirlik bilan bajarganingizni yaxşi köradi” (“Jome as-sağir”), deb marhamat qilganlar.

Demak, har birimiz bu foniy dunyoda ma'lum yumuşlarga vazifador ekanimizni, Yaratgan Parvardigorimiz uni biz uçun tayin qilgani, bu ham bir imtihon ekanini anglab yetmoğimiz darkor. Qur'on musobaqasining eng ajoyib tuman-şahar bosqiçi yakunlanmoqda, keyin viloyat bosqiçi boşlanadi, söng respublika bosqiçi bölib ötadi. Biz bu xayrli işda imkoniyati bor barça yurtdoşlarimizni ixlos bilan iştirok etişini sörab qolamiz. Maqsadimiz – bunday uluğ işlarning fayzu barakotidan, savoblaridan barçamiz bahramand bölaylik.