Yaponiya AQShdan 25 ta qiruvchi samolyot xarid qiladi

Yaponiya hukumati yaqin olti yil ichida 25 ta F-35A qiruvchisini sotib olishni rejalashtirmoqda. Bu haqda Reuters uch nafar manbaga asosan xabar berdi.

«Byudjyet va ishlab chiqarish rejalari hisobga olingan holda, taxminan 25 ta samolyotni xarid qilish to‘g‘ri bo‘ladi, deb hisoblanmoqda», - deya xabar bergan manba.

Xabarga ko‘ra, har bir tayyor qiruvchi mamlakatga taxminan 100 mln dollarga tushadi. Manbaning ta'kidlashicha, samolyotlarni mamlakatda yig‘ib o‘tirmasdan, AQShdan to‘g‘ridan to‘g‘ri xarid qilish rejalashtirilgan.