Boris Jonson Brexit’ni «chalkashlik» deb atadi

Buyuk Britaniya Tashqi ishlar vazirligi rahbari Boris Jonson Brexit bilan bog‘liq vaziyatni «chalkashlik» deb atadi. Bu haqda Telegraph Yevropa ittifoqidagi manbalarga asosan xabar bermoqda.

Xabarga ko‘ra, vazirlik rahbari Berlinga amalga oshirgan ikki tashrifidan birida (2016 yil noyabri va 2017 yil apreli) shunday degan. O‘shanda u Germaniyaning yuqori darajadagi amaldorlari bilan uchrashgan.

Manbalarning ta'kidlashicha, Jonson bu so‘z bilan Brexit bo‘yicha mushkul muzokaralarni nazarda tutgan biroq, Buyuk Britaniyaning Yevropa ittifoqi tarkibidan chiqish bo‘yicha qaroriga qarshi gapirmagan.