Qirg‘izistonning Kochkor-Ata shahridagi kafeda gaz pechi portlab ketdi, bu haqda Turmush nashri xabar bergan. Hodisa soat taxminan 04:30da yuz bergan.
Jalolobod viloyati IIB matbuot xizmatidan ma'lum qilishlaricha, jabrlanganlarning uch nafari O‘zbekistonning Namangan shahridan, yana biri – Toktogul tumanida yashaydi. Pech nima sababdan portlab ketganini aniqlash maqsadida tegishli ekspertizalar tayinlandi. Voqea joyida Nooken tumani IIB tergov guruhi ishlamoqda. Dastlabki ma'lumotlarga ko‘ra, novvoyxonada gaz sizib chiqishi ro‘y bergan, shundan so‘ng noma'lum sabablarga ko‘ra portlash sodir bo‘lgan.
O‘zbekistonning jabrlangan uch fuqarosi bu kafeda ishlagani aytilmoqda, ular shahardagi uylardan birida vaqtinchalik istiqomat qilib kelgan.
Kasalxonaga yotqizilgan to‘rt kishidan ikki nafari og‘ir ahvolda qolmoqda, ikki shaxsning holati o‘rtacha og‘irlikda, deb baholangan.
Jabrlanganlar:
1. V.A., 1995 yilda tug‘ilgan. O‘zbekiston fuqarosi
2. P.R., 1994 yilda tug‘ilgan. O‘zbekiston fuqarosi.
3. T.M, 1994 yilda tug‘ilgan. O‘zbekiston fuqarosi.
4. S.J., 1981 yilda tug‘ilgan. Qirg‘iziston fuqarosi.
