Iqtisodiyot va moliya vazirligining maʼlumot berishicha, ayrim korxonalarda ijtimoiy soliq stavkasining 12 foizdan 1 foizgacha yoki 0 foizgacha pasaytirilishi pensiya sugʻurtasini moliyalashtirishda tenglik va maqsadlilik masalasini yuzaga keltirmoqda.
Qayd etilishicha, 2025-yilda 65 mingta korxonaga 3,2 trln soʻmlik ijtimoiy soliq imtiyozi berilgan. Bunda korxona xarajati kamaygan boʻlsada, uning xodimi boʻyicha kelgusidagi pensiya majburiyati saqlanib qoladi.
“Shu sababli yangi ijtimoiy soliq imtiyozlarini berishni toʻxtatish, mavjud imtiyozlarni esa 2030-yildan toʻliq bekor qilish taklif etilmoqda.
Biznesni qoʻllab-quvvatlash esa ijtimoiy soliqdan ozod qilish orqali emas, davlat byudjetidan ochiq va manzilli subsidiyalar orqali amalga oshirilishi koʻzda tutilmoqda”, deyiladi vazirlik xabarida.
Taʼkidlanishicha, natijada bir xil, masalan, 6 mln soʻm ish haqi oluvchi xodimlar qaysi korxonada ishlashidan qatʼi nazar, ijtimoiy soliq toʻlash va pensiya huquqini moliyalashtirishda teng sharoitga ega boʻladi.
