Kubalik bokschi: «Ertaga muxlislar kam bo‘lishi janglarga ta'sir o‘tkazmaydi»

Kubaning «Cuba Domadores» klubi safida -75 kg vaznda ringga chiqadigan Olimpiada chempioni Arlen Lopez bir yil muqaddam Samarqandda Isroil Madrimovga yutqazib qo‘ygani haqida esladi.

«Isroil Madrimovga qarshi jangdagi mag‘lubiyatga o‘zim aybdorman. O‘shanda o‘zimni yaxshi tayyorlay olmagandim. Har taraflama bu jangga tayyor emasligim sezilib qolgandi. Bu safar esa bu jangga juda jiddiy hozirlik ko‘rdim. Ertaga bo‘ladigan jang butunlay boshqacha kechadi.

Ertangi janglarda ko‘p muxlis bo‘lmasligini eshitdim. Lekin bu unchalik katta ahamiyatga ega bo‘ladi, deb o‘ylamayman. Chunki biz professional sportchilarmiz. Mezbon yoki mehmon sifatida jang qilishimiz katta ahamiyatga ega bo‘lishi kerak emas. Bokschi ko‘p muxlis ichida ham, kam muxlislar orasida ham o‘zining boksini ko‘rsata olishi kerak. Madrimovga qarshi uchrashuvda albatta juda ko‘p muxlislar bo‘lgandi. Lekin o‘shanda faqatgina muxlislar bosimi ostida yutqazgandim, deya olmayman», deya gapirib o‘tdi Rio-2016 olimpiadasi chempioni KUN.UZ muxbiri bilan suhbatda.