Britaniyaning HSBC banki ko‘chib o‘tish uchun eng yaxshi darajada bo‘lgan davlatlar haqidagi har yillik so‘rov natijalarini e'lon qildi. Singapur uchinchi yildan beri reytingda yetakchilikni o‘z qo‘lida saqlab turibdi.
Tadqiqot HSBC buyurtmasi bilan YouGov firmasi tomonidan tayyorlandi. Kompaniya 159 turli davlatdagi 27 mingdan ortiq ekspatni so‘rovdan o‘tkazdi. Yakuniy ro‘yxatga so‘ralganlarning fikricha eng yaxshi hayot sharoitiga ega 46 davlat kirdi.
Respondentlar uchta yo‘nalishda 27 ta savolga javob qaytarishdi: iqtisodiyot, yashash tajribasi va ko‘chib o‘tish hamda oila bilan yashash imkoniyati – ta'lim sifati va bolalar haqida qayg‘urish darajasi.
Singapurda so‘rovdan o‘tkazilganlarning to‘rtdan uch qismi toza ko‘chalar, xavfsizlikning yuqori darajasi va rivojlangan jamoat transport tizimini qayd etishdi. Bu yerda yashovchi ekspatlarning 26 foizi mahalliy ta'lim darajasiga yuqori baho bergan bo‘lsa, migrantlarning 64 foizi Singapurga ko‘chib o‘tishganidan keyin hayot yaxshilanganini bildirdi.
HSBC talqini bo‘yicha migrantlar uchun eng yaxshi o‘n davlat:
1. Singapur
2. Norvegiya
3. Yangi Zelandiya
4. Germaniya
5. Niderlandiya
6. Kanada
7. Avstraliya
8. Shvetsiya
9. Avstriya
10. Birlashgan Arab Amirliklari
