Toshkentda Farg‘ona yo‘li ko‘chasining bir qismi vaqtinchalik 7 metrga torayadi

Joriy yilning 4 mart kunidan 18 aprel kuniga qadar, Farg‘ona yo‘li ko‘chasining Qo‘shko‘prik ko‘chasidan Tollimarjon ko‘chasigacha bo‘lgan qismida ichimlik va oqova suv quvurlarini yotqizish ishlari olib boriladi. Ish olib borish jarayonida ko‘cha qatnov qismi 7 metrga torayadi. Bu haqda Toshkent shahar IIBB YHXB xabar bermoqda.

“Hurmatli haydovchilar!

Bayon etilganlarni inobatga olgan holda, Sizdan Farg‘ona yo‘li ko‘chasida harakatlanish jarayonida yo‘l harakati qoidalariga to‘liq amal qilib, ehtiyot choralarini ko‘rishingizni so‘raymiz.

Shu bilan birga tirbandliklar kelib chiqishini oldini olish maqsadida mazkur ko‘chaga parallel bo‘lgan ko‘chalarda harakatlanishni tavsiya qilamiz”, - deyiladi YHXB xabarida.