Andijonda professional boks kechasi tashkil qilinadi

Ertaga, 6 mart kuni Andijon viloyatining Asaka shahrida professional boks kechasi tashkil qilinadi. Unda bir qator reyting janglari o‘tkaziladi.

O‘zbekistonning turli joylaridan kelgan bokschilar hududiy chempionat maqomidagi mazkur turnirda reyting va chempionlik janglarida ringga ko‘tarilishadi.

Jang kechasi yuqorida ta'kidlab o‘tilganidek, hududiy maqomga ega bo‘lib, unda Sirdaryo viloyati va vodiyning barcha uch viloyati vakillari ishtirok etadi.

Eslatib o‘tamiz, Professional boks federatsiyasi tashabbusi bilan tashkil qilinayotgan mazkur musobaqalar to‘rtta hududga bo‘lingan holda tashkil qilinmoqda.

1. Voha hududi: Qashqadaryo, Surxondaryo, Samarqand, Navoiy viloyatlari.
2. Xorazm hududi: Qoraqalpog‘iston Respublikasi, Xorazm, Buxoro.
3. Toshkent hududi: Toshkent shahri, Toshkent viloyati, Jizzax.
4. Vodiy hududi: Sirdaryo, Andijon, Namangan, Farg‘ona.