Qashqadaryo IIBda voyaga yetmaganlarga mo‘ljallangan maxsus tergov xonalari tashkil etildi

O‘zbekiston Respublikasi Prezidenti Shavkat Mirziyoyevning 2017 yil 18 aprel kunidagi 2898-sonli «Ichki ishlar organlarning jinoyatlarni tergov qilish sohasidagi faoliyatini tubdan  takomillashtirish chora-tadbirlari to‘g‘risida»gi qarori 6-bandi hamda O‘zbekiston Respublikasi Ichki ishlar vaziri o‘rinbosari polkovnik A.Boboxonovning 2017 yil 30 dekabr kunidagi 18/42-sonli  ko‘rsatmasi talablari ijrosini ta'minlash maqsadida Qashqadaryo viloyati Ichki ishlar boshqarmasi huzuridagi Tergov boshqarmasida voyaga yetmaganlarni audio- va video qayd etish tizimlari bilan jihozlangan kompleks namunaviy maxsus xonalar tashkil  etildi. Ular to‘liq zamonaviy moddiy texnik ba'zalari bilan ta'minlandi. 

Bu ilg‘or xorijiy tajribalarni o‘rganish asosida  qonunchilikni hamda voyaga yetmaganlar bilan bog‘liq jinoyat ishlarini tergov qilish va ko‘rib chiqish  uslubiyatini yanada takomillashtirish, tergov faoliyatida zamonaviy axborot  kommunikatsiya texnalogiyalaridan foydalanishni kengaytirishdan iborat.  Voyaga yetmaganlarni tergov qilish xonasini Tergov boshqarmasida tashkil etilishi asosiy protsessual harakatlarni video qayd etish dalillarini to‘plash va  mustahkamlashda qonuniylik va xolislikni ta'minlashga qaratilgan muhim  yangiliklardan hisoblanadi. 

Eng muhimi voyaga yetmaganlarni so‘roq qilish, ular bilan bog‘liq tergov harakatlarni o‘tkazish jarayonida bu maxsus xonada voyaga yetmagan shaxs o‘zini erkin tutishi, uni ruhiyatiga ta'sir ko‘rsatadigan omillarning mavjud emasligi, ishga aloqador holatlar bo‘yicha o‘ziga ma'lum bo‘lgan holatlarni erkin so‘zlab berish uchun barcha imkoniyat va sharoitlar yaratilib foydalanishga topshirildi.