Xitoy kompaniyasi Eronda temir yo‘l quradi 

Eron 7 mart kuni Xitoy kompaniyasi bilan Busher portini mamlakatning qolgan temir yo‘l tarmog‘i bilan bog‘lovchi temir yo‘lni qurish bo‘yicha kelishuvni imzoladi. Bu haqda Eron yo‘llar va shaharsozlik vazirligi ma'lum qildi. 

700 mln dollarlik kelishuv 250 kmlik temir yo‘l qurilishini ko‘zda tutadi. Temir yo‘l Fors ko‘rfazidagi Busher port shahrini mamlakatning markaziy qismida joylashgan Shiroz bilan bog‘laydi. 

Vazirlikda ta'kidlanishicha, Shiroz-Busher temir yo‘li qurilishi Eronning temir yo‘l aloqasi sohasidagi 7 ta ustuvor loyihalaridan biri hisoblanadi.

Bu loyihaning amalga oshirilishi Busherni Shiroz orqali Kaspiy bo‘yidagi portlar bilan bog‘lashga yordam beradi.