AQShning suvosti kemalari Rossiyani yo‘q qilib yubora oladi – Pentagon

AQSh qurolli kuchlari strategik qo‘mondonligi boshlig‘i general Jon Haytenning qurolli kuchlar bo‘yicha vakillar palatasi qo‘mitasidagi byudjyet eshituvlari davomida ma'lum qilishicha, Qo‘shma Shtatlar Rossiya tomonidan istalgan hujumga javob qaytarishga qodir. Uning chiqishi tasvirlangan videoyozuv qo‘mita saytida e'lon qilindi.

«Biz barcha tahdidlarga tayyormiz, hamda hech kim bunga shubha qilmasligi lozim», - deya aytib o‘tdi Hayten.

Uning so‘zlariga ko‘ra, Rossiya AQShga keng ko‘lamli hujumdan tashqari, Vashington javob qaytara olmaydigan boshqa hech narsaga qodir emas.

«Darvoqe, Rossiya bizning suvosti kemalarimiz qayerda joylashganini  bilmaydi, ular esa ruslarning davlatini, agarda biz bu yo‘ldan ketadigan bo‘lsak, yo‘q qilib tashlashga qodirdir», - deya qo‘shimcha qilib o‘tdi Hayten.