Toshkent shahrida o‘z ahamiyatini yo‘qotgan 107ta “To‘xtash taqiqlangan” yo‘l belgilari olib tashlanib, 28ta “To‘xtab turish taqiqlangan” yo‘l belgilari almashtirildi. Bu haqda Toshkent shahar Ichki ishlar Bosh boshqarmasi Yo‘l harakati xavfsizligi boshqarmasi xabar bermoqda.
Hozirgi kunda Toshkent shahar IIBB Yo‘l harakati xavfsizligi boshqarmasi tomonidan poytaxt ko‘chalaridagi 3.27 “To‘xtash taqiqlangan” xamda 3.28 “To‘xtab turish taqiqlangan” yo‘l belgilarini xatlovdan o‘tkazish ishlari davom ettirilmoqda.
Xatlov jarayonida yuqorida qayd etilgan yo‘l belgilarining harakat ishtirokchilariga ko‘rinish darajasi, shuningdek ularning ko‘cha va yo‘llarning belgilangan qismlaridagi mavjud holatga mosligiga e'tibor qaratilmoqda.
Xatlov natijalariga ko‘ra, o‘z ahamiyatini yo‘qotgan 107ta 3.27 “To‘xtash taqiqlangan” yo‘l belgilari olib tashlandi va 28ta 3.28 “To‘xtab turish taqiqlangan” yo‘l belgilari almashtirildi.
Qayd etilishicha, ushbu yo‘nalishda ko‘rilayotgan choralar yo‘l harakati ishtirokchilariga qo‘shimcha qulayliklar yaratadi xamda yo‘lovchilarni muammosiz tushirib chiqarish imkoniyatini beradi.
