17:30 / 11.03.2018
35002
18 соат булутлар узра: Дунёдаги энг узун рейс ҳақида маълумотлар

Александр Чебан шахсий тажрибасидан келиб чиқиб энг давомли рейс ҳақидага маълумотлари билан бўлишди: "18 соат булутлар узра ҳаракатланишни тасаввур қилиб кўринг! Жуда узоқ, қийин, дейсизми? Агар бу дунёдаги энг яхши Qatar Airways авиакомпанияси рейси бўлса, у қадар қийин жойи йўқ.

18 соатлик парвоз давомида сиз кундалик ташвишлардан дам олиб, бажонидил "Узуклар ҳукмдори" ва "Хоббит" трилогиясини томоша қиласиз ва Middle Earth'даги эртак билан учрашувга тайёр бўласиз.

«Боинг-777» бортида 14 535 км:
⦁  эконом-тоифада 217 йўловчи,
⦁  бизнес-тоифада 42 йўловчи;
⦁  1000дан ортиқ борт таомномаси порцияси;
⦁  2000дан ортиқ салқин ичимликлар;
⦁  1100 финжон қаҳва.

Qatar Airways — нуфузли Skytrax рейтингига кўра, энг яхши авиакомпания, у Oneworld авиация альянси аъзоси ҳамдир.

Фото: Alexcheban/ Livejournal.com

Авиакомпания флотида 200 дан ортиқ самолёт бор, Airbus A380, A350, Boeing 787 Dreamliner каби фуқаролик авиацияси флагманлари ҳам шулар жумласидандир. Доҳа орқали парвозларни танлаб, жуда кўп йўналишларда Dreamliner ёки А380, А350 самолётларида ҳаракатланиш мумкин. Замонавий технологиялар авиапарвозларни енгиллаштиради, шунинг учун мен доим янги авлод самолётларини танлайман.

Фото: Alexcheban/ Livejournal.com

Qatar Airways авиакомпанияси Airbus A350 дастлабки эксплуатанти бўлди. 

Фото: Alexcheban/ Livejournal.com

Айтишларича, ҳозирда Қатар санкциялар рўйхатига кирган ва у ерга амалга ошириладиган рейсларда муаммолар юзага келиши эҳтимоли бор. Сизларга маслаҳатим — ҳар хил гап-сўзларга ишонавермай, маълумотни шахсан текшириш. Замонавий дунёда ҳар бир сиёсий янгилик манфаатдор томоннинг муайян контекстидан келиб чиқиб берилади, бироқ реал вазият мутлақо бошқача бўлиши мумкин. Сиёсатни телевизорга қолдириб, шунчаки саёҳат қилинг. Саёҳат қилганда ҳам қулайлик билан саёҳат қилинг.

Дарҳақиқат, Qatar Airways уч қўшни мамлакатга рейсларни бекор қилди, шу билан бирга, уларнинг ҳаво кенглиги парвозлар учун ёпиқ. Бироқ деярли барча рейслар жадвалга мувофиқ ва кечикишларсиз амалга оширилади. Қуйида «Флайтрадар» скриншоти келтирилган, Қатардан амалга оширилган рейслар Эроннинг ҳаво кенглигидан учиб ўтади. Жанубий Америка рейслари ҳам қайд этилган бўлиб, уларнинг давомийлиги икки соатга узайган. Бундан бошқа ҳеч қандай муаммо йўқ. Ижтимоий тармоқлардаги ваҳима ва ҳатто баъзи ҳамжамиятлардаги изоҳларни тушунмайман.

Фото: Alexcheban/ Livejournal.com

Узоқ давом этувчи йўналишлар — бу ҳар қандай йирик авиакомпаниянинг ўзига хос жиҳатларидан бири. Бир неча компания қўнишларсиз энг давомли рейс учун мусобақалашади. Қачонлардир бу Singapore Airlines'нинг Airbus A340-500 самолётида амалга ошириладиган Нью-Йорк — Сингапур (18 соат, 16 600 км) рейси бўлган. Дарвоқе, 2018 йилда уни А350'да қайта тиклаш режалаштирилмоқда.

Бу йил Qatar Airways дунёдаги энг давомли рейсни амалга оширади, кейинги йилда эса биз Перт — Лондон ва яна  Сингапур — Нью-Йорк рейсларини кутиб қоламиз.

Фото: Alexcheban/ Livejournal.com

Ультрадавомли йўналишларда авиакомпаниялар учун энг асосий чақириқ — бундай рейснинг тежамкорлиги. Зеро бортда ҳам йўловчилар, ҳам кейтринг, ҳам юклар бўлиши  билан бирга, у авиацион керосин билан максимал тўлиқ қувватланади. Доҳа — Окленд рейсида Qatar Airways ҳафтасига 100 тоннадан ортиқ тижорат юкини ташийди. Қўнишларсиз рейслар учун аввал имкони бўлмаган масофалар янги ва замонавий самолётлардан фойдаланишни талаб қилади, шунда ташишдаги тежамкорлик кўрсаткичлари аввалги авлод ҳаво кемаларига қараганда сезиларли даражада юқори бўлади. 

Qatar Airways'нинг бундай қўнишсиз йўналишни амалга оширишида танлов «Боинг-777-200LR» самолётига тушди. У 2006 йилда бозор етакчиси 777-300ER'га қўшимча равишда эксплуатацияга киритилган. 777-300ER ўз хусусиятларига кўра, 317 нафар йўловчини 15 840 км масофага таший олади.

Фото: Alexcheban/ Livejournal.com

Инфографикани жуда яхши кўраман, бу ерда мазкур рейснинг барча асосий рақамлари келтирилади. Ҳар бир рақам ортида бир тарих мужассам, шундай экан, келинг бортга чиқамиз.

Фото: Alexcheban/ Livejournal.com

Аэропортдан бошлаймиз, зеро ҳар қандай узоқ давом этувчи йўналиш бу трансфер аэропортидаги қулайлик ҳамдир. Доҳадаги Hamad International Airport 2014 йилда очилган ва у дунёнинг энг яхши аэропортларидан бири ҳисобланади. У Сингапур ва Дубай аэропортлари билан бир қаторда менинг энг севимли аэропортларим рўйхатига кирди, нима учун дейсизми? Чунки бу ерда сузиш ҳавзаси ва спа-марказ бор, бу эса рейслар орасида ҳордиқ чиқаришнинг энг яхши йўлидир. Аэропорт терминалига кирганингизда энг ҳайрон қолдирадиган нарса - бу сокинлик, бу ерда ҳар дақиқада самолётлар учиши ва қўнишига қарамай, ажиб сокинлик ҳукмрон. 

Фото: Alexcheban/ Livejournal.com
Фото: Alexcheban/ Livejournal.com
Фото: Alexcheban/ Livejournal.com

Qatar Airways бизнес зали бир вақтнинг ўзида 1000 нафаргача меҳмонни сиғдира олади! Мен бу сафар эконом-тоифада парвоз қилдим, менинг S7 олтин-картам бор, у Oneworld альянсига киради - бундай йўловчилар учун алоҳида бизнес зали мавжуд. Ёқимли ва кенг жой. Qatar Airways'нинг ўз зали эса бир бошга юқори. 

Фото: Alexcheban/ Livejournal.com
Фото: Alexcheban/ Livejournal.com

Бортга кўтариламиз. «Боинг-777-200LR» бу сафар телетрап олдида эмас, тураргоҳда - бу эса аэропортнинг кондиционерли терминали ва самолёт борти ўртасида бироз исиниш имконини беради. Шу ўринда сизларга бир маслаҳат: ҳатто икки иссиқ ўлка ўртасида парвоз қилаётган бўлсангиз ҳам иссиқ спорт кийимингизни олишни унутманг, Яқин Шарқ ва Осиё мамлакатлари аэропортлари терминалларида кўпинча салқин бўлади.

Фото: Alexcheban/ Livejournal.com

Бизнес тоифа салонида горизонтал каравотга айлантириш мумкин бўлган 42 кресло бор. Бугун мен эконом-тоифада парвоз қиляпман, бу қисқа рейслардаги бизнес тоифа кабидир. Ишонмайсизми?

Фото: Alexcheban/ Livejournal.com

«Боинг-777-200LR»нинг эконом-тоифа салонида 3-3-3 компоновкаси — бу "Боинг" анонс қилган стандарт. Бироқ бугунги кунда бизнесдаги вазият шундайки, авиакомпаниялар ҳозир 3-4-3 компановкали 777'га буюртма бермоқда. "Классик" 3-3-3 компановка 3-4-3'дан-да кенг ва қулай креслоларга эга. Давомли парвознинг сезиларли даражада енгил ўтишининг асосий сабабларидан бири шудир. 

Доҳа-Окленд йўналишидаги рейсимдаги 3-3-3 компановкани таққосланг. Авиакомпаниянинг бошқа ультрадавомли йўналишларида ҳам худди шундай компановка. Шунинг учун авиачипта танлаётганингизда эътиборли бўлинг, рейсни амалга ошираётган самолётга ва салон компановкасига эътибор қаратинг.

Фото: Alexcheban/ Livejournal.com

Бу эса «Боинг-777-300ER»даги 3-4-3 компановка, у ҳам Qatar Airways'га тегишли. 

Фото: Alexcheban/ Livejournal.com

Кейинги 16-18 соат жойлашиб кетадиган креслом. Нормал стандартдаги кресло, менинг бўйим - 184 см ва унда ўтириб кетиш мен учун қулай бўлди. 

Фото: Alexcheban/ Livejournal.com

Адёл, ёстиқ, кичик йўл тўплами.

Фото: Alexcheban/ Livejournal.com

Биз Қатар ва Форс кўрфазини ортда қолдирамиз, олдинда Окленд томон 16,5 соатлик йўл. Қайтиш рейси 18:10 да бўлди. Йўлдаги вақт кўп омилларга боғлиқ - шамол, эшелон, юклар ва ҳоказо, шу боис унга икки соат атрофида вақт кетади.

Фото: Alexcheban/ Livejournal.com

Борт таомномаси кўпчиликни қизиқтирадиган омиллар орасида энг асосийси бўлса керак. 16-18 соатлик парвознинг ўзи бўлмайди, ахир. 

Фото: Alexcheban/ Livejournal.com

Доҳа-Окленд рейсида бериладиган ичимликлар ва иссиқ овқатдан бошлаймиз.

Фото: Alexcheban/ Livejournal.com

Ва Окленддан Доҳага.

Фото: Alexcheban/ Livejournal.com

Шундан кейин парвоз давомида яна икки марта иссиқ сэндвичлар ва пишириқлар таклиф қилинади.

Фото: Alexcheban/ Livejournal.com

Уларнинг орасида эса шартли "сокинлик соатлари"да ширинликлар тақдим этилади.

Фото: Alexcheban/ Livejournal.com
Фото: Alexcheban/ Livejournal.com

Орқага қайтишда эса Янги Зеландия кейтринги олмали пакет ҳам қўшади.

Фото: Alexcheban/ Livejournal.com

Бундан ташқари, ошхонада исталган вақтда бар, чой, қаҳва, снеклар, сэндвичлар бўлади. Барчаси худди нон-стоп режимидаги швед дастурхонидек. Эрталаб эса нонушта.

Фото: Alexcheban/ Livejournal.com
Фото: Alexcheban/ Livejournal.com

Мен нималарнидир ўтказиб юборган бўлишим мумкин, чунки самолётларда жуда яхши ухлайман. Орқага қайтишда фитнес-трекерим 10,5 соат ухлаганимни кўрсатди. Доҳадан Оклендга томон рейсда экипаж билан суҳбатлашдим, салонда сайр қилдим.

Фото: Alexcheban/ Livejournal.com
Фото: Alexcheban/ Livejournal.com

Бу рейс давомида икки марта тонгни қарши олинади. Доҳадан парвоз қилганда кун жуда тез ўтади, бир неча соатда у тун билан ўрин алмашади, янги кунга бир неча соат қолганда Оклендда бўласиз.

Фото: Alexcheban/ Livejournal.com
Фото: Alexcheban/ Livejournal.com
Фото: Alexcheban/ Livejournal.com

Уйқу келмаяптими? У ҳолда 3000 фильм, минглаб соатлик мусиқалар ва бошқа кўнгилочар машғулотлар сизнинг тасарруфингизда. Маслаҳатим: шовқинга чидамли тизимга эга қулоқчинларингизни олинг, чунки авиакомпанияларнинг ҳатто бизнес-тоифада таклиф этадиган қулоқчинлари ҳам одатда сифатли бўлмайди. 

Икки трилогия — «Узуклар ҳукмдори» ва «Хоббит»ни бир рейснинг ўзида томоша қилиб, якунлаш мумкин.

Фото: Alexcheban/ Livejournal.com

Экипаж аъзолари сермулозамат, улар баъзан ҳатто йўловчи кўзлари даражасида суҳбатлашишади. 

Фото: Alexcheban/ Livejournal.com

Буёғига Окленд. Бошқалардан ажралиб турувчи мутлақо  янги саргузаштлар, ажойиб табиат ва тассуротлар.

Фото: Alexcheban/ Livejournal.com
Фото: Alexcheban/ Livejournal.com

Ўрта ерга хуш келибсиз!

Фото: Alexcheban/ Livejournal.com

Qatar Airways'нинг «Боинг-777-200LR» самолёти Окленд аэропортидан Доҳа томон парвоз қилмоқда.

Фото: Alexcheban/ Livejournal.com
Фото: Alexcheban/ Livejournal.com

 

Top