18 soat bulutlar uzra: Dunyodagi eng uzun reys haqida ma'lumotlar

Darhaqiqat, Qatar Airways uch qo‘shni mamlakatga reyslarni bekor qildi, shu bilan birga, ularning havo kengligi parvozlar uchun yopiq. Biroq deyarli barcha reyslar jadvalga muvofiq va kechikishlarsiz amalga oshiriladi. Quyida «Flaytradar» skrinshoti keltirilgan, Qatardan amalga oshirilgan reyslar Eronning havo kengligidan uchib o‘tadi. Janubiy Amerika reyslari ham qayd etilgan bo‘lib, ularning davomiyligi ikki soatga uzaygan. Bundan boshqa hech qanday muammo yo‘q. Ijtimoiy tarmoqlardagi vahima va hatto ba'zi hamjamiyatlardagi izohlarni tushunmayman.

Uzoq davom etuvchi yo‘nalishlar — bu har qanday yirik aviakompaniyaning o‘ziga xos jihatlaridan biri. Bir necha kompaniya qo‘nishlarsiz eng davomli reys uchun musobaqalashadi. Qachonlardir bu Singapore Airlines'ning Airbus A340-500 samolyotida amalga oshiriladigan Nyu-York — Singapur (18 soat, 16 600 km) reysi bo‘lgan. Darvoqe, 2018 yilda uni A350'da qayta tiklash rejalashtirilmoqda.

Bu yil Qatar Airways dunyodagi eng davomli reysni amalga oshiradi, keyingi yilda esa biz Pert — London va yana  Singapur — Nyu-York reyslarini kutib qolamiz.

Ultradavomli yo‘nalishlarda aviakompaniyalar uchun eng asosiy chaqiriq — bunday reysning tejamkorligi. Zero bortda ham yo‘lovchilar, ham keytring, ham yuklar bo‘lishi  bilan birga, u aviatsion kerosin bilan maksimal to‘liq quvvatlanadi. Doha — Oklend reysida Qatar Airways haftasiga 100 tonnadan ortiq tijorat yukini tashiydi. Qo‘nishlarsiz reyslar uchun avval imkoni bo‘lmagan masofalar yangi va zamonaviy samolyotlardan foydalanishni talab qiladi, shunda tashishdagi tejamkorlik ko‘rsatkichlari avvalgi avlod havo kemalariga qaraganda sezilarli darajada yuqori bo‘ladi. 

Qatar Airways'ning bunday qo‘nishsiz yo‘nalishni amalga oshirishida tanlov «Boing-777-200LR» samolyotiga tushdi. U 2006 yilda bozor yetakchisi 777-300ER'ga qo‘shimcha ravishda ekspluatatsiyaga kiritilgan. 777-300ER o‘z xususiyatlariga ko‘ra, 317 nafar yo‘lovchini 15 840 km masofaga tashiy oladi.

Infografikani juda yaxshi ko‘raman, bu yerda mazkur reysning barcha asosiy raqamlari keltiriladi. Har bir raqam ortida bir tarix mujassam, shunday ekan, keling bortga chiqamiz.

Aeroportdan boshlaymiz, zero har qanday uzoq davom etuvchi yo‘nalish bu transfer aeroportidagi qulaylik hamdir. Dohadagi Hamad International Airport 2014 yilda ochilgan va u dunyoning eng yaxshi aeroportlaridan biri hisoblanadi. U Singapur va Dubay aeroportlari bilan bir qatorda mening eng sevimli aeroportlarim ro‘yxatiga kirdi, nima uchun deysizmi? Chunki bu yerda suzish havzasi va spa-markaz bor, bu esa reyslar orasida hordiq chiqarishning eng yaxshi yo‘lidir. Aeroport terminaliga kirganingizda eng hayron qoldiradigan narsa - bu sokinlik, bu yerda har daqiqada samolyotlar uchishi va qo‘nishiga qaramay, ajib sokinlik hukmron. 

Qatar Airways biznes zali bir vaqtning o‘zida 1000 nafargacha mehmonni sig‘dira oladi! Men bu safar ekonom-toifada parvoz qildim, mening S7 oltin-kartam bor, u Oneworld alyansiga kiradi - bunday yo‘lovchilar uchun alohida biznes zali mavjud. Yoqimli va keng joy. Qatar Airways'ning o‘z zali esa bir boshga yuqori. 

Bortga ko‘tarilamiz. «Boing-777-200LR» bu safar teletrap oldida emas, turargohda - bu esa aeroportning konditsionerli terminali va samolyot borti o‘rtasida biroz isinish imkonini beradi. Shu o‘rinda sizlarga bir maslahat: hatto ikki issiq o‘lka o‘rtasida parvoz qilayotgan bo‘lsangiz ham issiq sport kiyimingizni olishni unutmang, Yaqin Sharq va Osiyo mamlakatlari aeroportlari terminallarida ko‘pincha salqin bo‘ladi.

Biznes toifa salonida gorizontal karavotga aylantirish mumkin bo‘lgan 42 kreslo bor. Bugun men ekonom-toifada parvoz qilyapman, bu qisqa reyslardagi biznes toifa kabidir. Ishonmaysizmi?

«Boing-777-200LR»ning ekonom-toifa salonida 3-3-3 komponovkasi — bu "Boing" anons qilgan standart. Biroq bugungi kunda biznesdagi vaziyat shundayki, aviakompaniyalar hozir 3-4-3 kompanovkali 777'ga buyurtma bermoqda. "Klassik" 3-3-3 kompanovka 3-4-3'dan-da keng va qulay kreslolarga ega. Davomli parvozning sezilarli darajada yengil o‘tishining asosiy sabablaridan biri shudir. 

Doha-Oklend yo‘nalishidagi reysimdagi 3-3-3 kompanovkani taqqoslang. Aviakompaniyaning boshqa ultradavomli yo‘nalishlarida ham xuddi shunday kompanovka. Shuning uchun aviachipta tanlayotganingizda e'tiborli bo‘ling, reysni amalga oshirayotgan samolyotga va salon kompanovkasiga e'tibor qarating.

Bu esa «Boing-777-300ER»dagi 3-4-3 kompanovka, u ham Qatar Airways'ga tegishli. 

Keyingi 16-18 soat joylashib ketadigan kreslom. Normal standartdagi kreslo, mening bo‘yim - 184 sm va unda o‘tirib ketish men uchun qulay bo‘ldi. 

Adyol, yostiq, kichik yo‘l to‘plami.

Biz Qatar va Fors ko‘rfazini ortda qoldiramiz, oldinda Oklend tomon 16,5 soatlik yo‘l. Qaytish reysi 18:10 da bo‘ldi. Yo‘ldagi vaqt ko‘p omillarga bog‘liq - shamol, eshelon, yuklar va hokazo, shu bois unga ikki soat atrofida vaqt ketadi.

Bort taomnomasi ko‘pchilikni qiziqtiradigan omillar orasida eng asosiysi bo‘lsa kerak. 16-18 soatlik parvozning o‘zi bo‘lmaydi, axir. 

Doha-Oklend reysida beriladigan ichimliklar va issiq ovqatdan boshlaymiz.

Va Oklenddan Dohaga.

Shundan keyin parvoz davomida yana ikki marta issiq sendvichlar va pishiriqlar taklif qilinadi.

Ularning orasida esa shartli "sokinlik soatlari"da shirinliklar taqdim etiladi.

Orqaga qaytishda esa Yangi Zelandiya keytringi olmali paket ham qo‘shadi.

Bundan tashqari, oshxonada istalgan vaqtda bar, choy, qahva, sneklar, sendvichlar bo‘ladi. Barchasi xuddi non-stop rejimidagi shved dasturxonidek. Ertalab esa nonushta.

Men nimalarnidir o‘tkazib yuborgan bo‘lishim mumkin, chunki samolyotlarda juda yaxshi uxlayman. Orqaga qaytishda fitnes-trekerim 10,5 soat uxlaganimni ko‘rsatdi. Dohadan Oklendga tomon reysda ekipaj bilan suhbatlashdim, salonda sayr qildim.

Bu reys davomida ikki marta tongni qarshi olinadi. Dohadan parvoz qilganda kun juda tez o‘tadi, bir necha soatda u tun bilan o‘rin almashadi, yangi kunga bir necha soat qolganda Oklendda bo‘lasiz.

Uyqu kelmayaptimi? U holda 3000 film, minglab soatlik musiqalar va boshqa ko‘ngilochar mashg‘ulotlar sizning tasarrufingizda. Maslahatim: shovqinga chidamli tizimga ega quloqchinlaringizni oling, chunki aviakompaniyalarning hatto biznes-toifada taklif etadigan quloqchinlari ham odatda sifatli bo‘lmaydi. 

Ikki trilogiya — «Uzuklar hukmdori» va «Xobbit»ni bir reysning o‘zida tomosha qilib, yakunlash mumkin.

Ekipaj a'zolari sermulozamat, ular ba'zan hatto yo‘lovchi ko‘zlari darajasida suhbatlashishadi. 

Buyog‘iga Oklend. Boshqalardan ajralib turuvchi mutlaqo  yangi sarguzashtlar, ajoyib tabiat va tassurotlar.

O‘rta yerga xush kelibsiz!

Qatar Airways'ning «Boing-777-200LR» samolyoti Oklend aeroportidan Doha tomon parvoz qilmoqda.