Surxondaryoda kollej o‘quvchisi bo‘lgan qiz chaqalog‘ini bo‘g‘ib o‘ldirdi

Surxondaryo viloyatining Qiziriq tumanida 2018 yil 7-8 mart kuni Qishloqazon mahallasi hududidan oqib o‘tuvchi kanaldan yangi tug‘ilgan o‘g‘il bola chaqaloqning bo‘yin sohasiga mato bo‘lagi bog‘langan holda jasadi topilgan. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar bermoqda.

Olib borilgan surishtiruv ishlari natijasida chaqaloqning onasi aniqlandi, u Qiziriq tumanida yashovchi, kasb-hunar kolleji o‘quvchisi, N.T. bo‘lib chiqdi. 

2018 yil 28 fevral kuni N.T. uyida o‘g‘il bola chaqaloqni tug‘ib, hech kimga bildirmay o‘zining kiyimi bilan chaqaloqni bo‘g‘ib o‘ldirib, so‘ng jasadni yuqoridagi kanalga tashlab yuborganligi aniqlangan. 

Ko‘rilgan choralar natijasida N.T. qo‘lga olingan.