Surxondaryoda YPX xodimini avtomashinada urib ketishdi

Surxondaryo viloyatining Oltinsoy tumanida jinoyat yuz berdi, deb xabar qilmoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

Qayd etilishicha, 12 mart kuni  soat 18.10 larda viloyat IIB YHXB YPX katta inspektori, serjant Sh.Azizov Uzumzor mahallasi hududida xizmat olib borayotib shu yerda harakatlanib kelayotgan Uzumzor mahallasida yashovchi, 1976 yilda tug‘ilgan P.M. ishonch qog‘ozisiz boshqaruvidagi «Tiko» rusumli avtomashinasiga to‘xtash ishorasini berganida, haydovchi P.M. xodimning qonuniy talablariga bo‘ysunmay avtomashinada uni urib ketgan.

Natijada serjant Sh.Azizov jarohat olib kasalxonaga yotqizilgan. Ko‘rilgan choralar natijasida P.M. qo‘lga olingan.