Toshkent shahrining Yunusobod tumanida jinoyat sodir bo‘ldi, deb xabar qilmoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.
Qayd etilishicha, 20 mart kuni soat 03.45larda Nizomiy ko‘chasida yashovchi, 1986 yilda tug‘ilgan Sh.I., Ming o‘rik 5-tor ko‘chasida yashovchi, 1987 yilda tug‘ilgan M.N., Olmazor tumani ToshDU-ToshPI ko‘chasida yashovchi, 1979 yilda tug‘ilgan I.Sh., Shayxontohur tumani V.Malikov ko‘chasida yashovchi, 1976 yilda tug‘ilgan K.A. va Toshkent viloyati Zangiota tumani Nazarbek MFY Bobur ko‘chasida yashovchi, 2001 yilda tug‘ilgan H.Z.lar Xakimzoda ko‘chasida yashovchi S.M.ning uyiga bosqinchilik maqsadida devor oshish yo‘li orqali bostirib kirib, unga tan jarohati yetkazganlarida, S.M. ularga faol qarshilik ko‘rsatgan va ko‘tarilgan shovqindan hech narsa ololmay, ular voqea joyidan yashiringanlar.
Ko‘rilgan choralar natijasida Sh.I., M.N., I.Sh., K.A. va H.Z. qo‘lga olingan.
