Har bir jangga 50 mln dollar! UFC bokschi Joshuaga shartnoma taklif qilmoqchi

UFC rahbariyati boks bo‘yicha uch yo‘nalishdagi jahon chempioni Entoni Joshuaga shartnoma taklif etishni rejalashtirmoqda.

The Telegraph ma'lumotiga ko‘ra, UFC rahbari Dana Uayt Butunjahon boks tashkiloti (WBO) chempioni kamari uchun yangi zelandiyalik Jozef Parkerga qarshi 31 mart kuni bo‘lib o‘tadigan jangdan so‘ng bokschi bilan muzokaralar olib boradi.

Ta'kidlanishicha, Joshua har bir jang uchun 50 mln dollardan pul oladi. Shuningdek, 500 mln dollarga mo‘ljallangan kengaytirilgan shartnoma ham taklif qilinadi.