«Yuventus» darvozaboni Janluiji Buffon jahonning «Real» hujumchisi Krishtianu Ronaldu va «Barselona» yetakchisi Lionel Messini taqqoslab ko‘rdi.
«Messi va Ronaldu butunlay boshqa-boshqa toifadagi futbolchilar. Messi — nisbatan ko‘p qirrali futbolchi, chunki u ko‘proq orqaroqqa qaytib hujumlarni boshlaydi. U texnik jihatdan yuqori salohiyatga ega. Messining maydonni ko‘rish, o‘yinni o‘qish qobiliyati yuqori. Messi hujumlarni yakunlovchi emas, balki himoya va hujum o‘rtasida bog‘lam yaratadigan futbolchi sanaladi.
Krishtianu Ronaldu esa, balki yoshi o‘tib borayotgan sabablimi, jarima maydonchasi ichidagi haqiqiy «qotil»ga aylanmoqda. Hozirgi Ronalduning avvalgisidan farqi shuki, ayni paytda u kuchini tejagan holda o‘ynamoqda, avvalgidek qanotlarga o‘tib fint yoki tryuklarni amalga oshirmayapti. Ammo u jarima maydoniga yetkazib berilgan istalgan to‘pni golga aylantirishi mumkin», deya Buffonning so‘zlarini keltiradi Foootball Italia.
