Yevropa ittifoqi Moskvadan o‘z elchisini chaqirtirib oladi

Yevropa ittifoqi yetakchilari Moskvadan YeI elchisini chaqirtirib olishga kelishib oldilar. Bu Solsberida GRU sobiq polkovnigi Sergey Skripalning zaharlanishi tufayli o‘tkaziladigan maslahatlashuv uchun kerak, deb xabar qilmoqda Reuters manbalarga asosan.

«Elchi maslahatlashuvlar uchun chaqirib olinadi», - deya ma'lum qilgan agentlik manbasi.

Ta'kidlanishicha, ayni damda Yevropa ittifoqining Rossiyadagi elchisi nemis diplomati Markus Ederer sanaladi.

Eslatib o‘tamiz, avvalroq Yevropa ittifoqi yetakchilari Buyuk Britaniyaning Skripal ishi bo‘yicha pozitsiyasiga qo‘shilishgan xabar berilgandi. Yevrokengash rahbari Donald Tuskning ma'lum qilishicha, Rossiya, katta ehtimol bilan, Solsberida GRU sobiq polkovnigi Sergey Skripalga uyushtirilgan hujum uchun mas'uldir.