Oq uyda katta tozalash boshlanishi kutilmoqda – OAV

AQSh prezidentining milliy xavfsizlik bo‘yicha yangi maslahatchisi Jon Bolton Qo‘shma Shtatlar yetakchisi Donald Trampga qarshi fikrda bo‘lgan o‘nlab xodimlarni ishdan bo‘shatib yuboradi. Bu haqda Foreign Policy nashri bir necha manbalarga asosan xabar qilmoqda.

Nashr ma'lumotlariga ko‘ra, Bolton va uning qator hamkasblari AQSh Milliy xavfsizlik bo‘yicha kengashida «katta tozalash»ga tayyorgarlik ko‘rmoqda, uning doirasida u Oq uydagi ko‘plab xodimlarni ishdan haydashga bel bog‘lagan. Xabar berilishicha, milliy xavfsizlik bo‘yicha yangi maslahatchi ishni AQSh sobiq prezidenti Barak Obama ma'muriyati davridan qolgan xodimlardan boshlamoqchi.

«Bolton tozalashni amalga oshirishi mumkin, hamda u buni qiladi», - deya aytib o‘tdi manba.

Boshqa bir manbaning ma'lum qilishicha, Bolton milliy xavfsizlik bo‘yicha sobiq maslahatchi Gerbert Makmaster tomonidan lavozimga tayinlangan deyarli barcha xodimni ishdan haydamoqchi.

«Obama vaqtida Oq uyda paydo bo‘lgan barcha o‘z narsasini yig‘ishtirishni boshlashi kerak», - deya aytib o‘tdi manba.