Mavrodi avtobus bekatida topilgan, uning o‘limiga nima sabab bo‘lgani aytildi

Moskvada «MMM» aksiyadorlik jamiyati asoschisi Sergey Mavrodi 63 yoshida vafot etdi, deb xabar bermoqda mk.ru.

Nashr ma'lumotlariga ko‘ra, Mavrodi Polikarpov ko‘chasidagi avtobus bekatida soat taxminan 1.00lar atrofida o‘zini yomon his etgan. O‘tkinchi shaxs unga «tez yordamni» chaqirtirib berdi, sababi Mavrodi kuchsizlik va yurakdagi og‘riqlardan shikoyat qilgan.

Dastlabki ma'lumotlarga ko‘ra, Sergey Mavrodining o‘limiga yurak xuruji sabab bo‘lgan bo‘lishi mumkin.

Eslatib o‘tamiz, «MMM» aksiyadorlik jamiyati Rossiya tarixida jabrlanganlar soni bo‘yicha eng yirik moliyaviy piramida sanaladi. 2003 yilda Mavrodi Rossiyada yirik miqdordagi firibgarliklar uchun sudlandi. Ba'zi ma'lumotlarga ko‘ra, piramidada ishtirok etishdan jabrlanganlar soni 10 454 kishini tashkil qilgan.