Shavkat Mirziyoyev Muhammad Ashraf G‘ani bilan uchrashadi

Afg‘oniston muammosiga bag‘ishlangan va ushbu davlatda tinchlik o‘rnatishni bosh maqsad qilgan Toshkent konferensiyasi doirasida O‘zbekiston Prezidenti Shavkat Mirziyoyev Afg‘oniston Prezidenti Muhammad Ashraf G‘ani bilan uchrashadi. Bu haqda Xalqaro simpoziumlar saroyida ushbu konferensiya Matbuot markazi rahbari Sherzodxon Qudratxo‘jayev ma'lum qildi. 

Bundan tashqari, davlat rahbari 26 mart kuni AQSh davlat departamenti siyosiy masalalar bo‘yicha o‘rinbosari Tomas Shennonni qabul qiladi. 

Prezident Shavkat Mirziyoyev 27 mart kuni YeI xavfsizlik va tashqi siyosat masalalari oliy komissari Federiko Mogerini, Rossiya tashqi ishlar vaziri Sergey Lavrov, Turkiya tashqi ishlar vaziri Mavlud Chavusho‘g‘li hamda Pokiston tashqi ishlar vaziri Xavaj Muhammad Asifni qabul qiladi. 

Ayni vaqtda Simpoziumlar saroyida Konferentsiya matbuot markazi rahbari Sherzodxon Qudratxo‘jayev, Oliy Majlis Senati raisining birinchi o‘rinbosari Sodiq Safoyev hamda ekspert Abdusamat Haydarov ishtirokida navbatdagi sessiya bo‘lib o‘tmoqda.