Skripal ishi. Ro‘yxat kengaydi, Chernogoriya ham qo‘shildi

Chernogoriya rossiyalik bir diplomatni mamlakatdan chiqarib yuborish haqida qaror qabul qildi. Bu Solsberida yuz bergan hodisa tufayli Buyuk Britaniya bilan birdamlik tariqasida amalga oshiriladi. Bu haqda mamlakat hukumati rasmiy saytida xabar berilgan.

Ta'kidlanishicha, diplomat bir hafta ichida mamlakatni tark etishga majbur.

Avvalroq Pentagon rahbari Chernogoriyani Rossiyaga qarshilik ko‘rsatayotgani uchun maqtab o‘tgandi.

Eslatib o‘tamiz, bundan avval Irlandiya Rossiyadan bo‘lgan bir diplomatni mamlakatdan chiqarib yuborishi xabar berilgan edi.