Toshkentda talonchilik qilgan kollej o‘quvchilari qo‘lga olindi

Toshkent shahrining Chilonzor tumanida 24 mart kuni 3 nafar noma'lum shaxslar 1984 yilda tug‘ilgan R.V.ni kuch ishlatish yo‘li bilan qo‘rqitib, “Ayfon” mobil telefonini olib voqea joyidan yashiringanlar.

Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar bermoqda.

Ko‘rilgan choralar natijasida ushbu jinoyatni Chilonzor tumani 1-dahada yashovchi, Chilonzor tuman Transport kasb-hunar kolleji 3-kurs o‘quvchisi, 2000 yilda tug‘ilgan R.M., Nafosat ko‘chasida yashovchi, shu kollej 3-kurs o‘quvchisi, 2001 yilda tug‘ilgan D.A. va Nafosat ko‘chasida yashovchi, muqaddam sudlangan, Chilonzor tuman 2-Toshkent yuridik kasb-hunar kolleji 1-kurs o‘quvchisi, 2001 yilda tug‘ilgan P.J. sodir etganligi aniqlanib, qo‘lga olingan.