Indoneziyada zilzila: o‘nlab kishilar halok bo‘ldi

15-avgust kuni tongda Indoneziyaning sharqiy qismida 7,7 magnitudali zilzila ro‘y berdi. Reuters agentligi xabariga ko‘ra, zilzila epimarkaziga eng yaqin bo‘lgan Flores orolidagi Maumere shahrida 47 kishi halok bo‘lgan.

Yana 23 kishi turli darajada jarohat olgan. Jabrlangan hududlardan 2 mingga yaqin kishi evakuatsiya qilingan.

Zilzila Flores orolida jiddiy vayrongarchiliklarga sabab bo‘lgan: 50 ga yaqin uy, shuningdek, maktab, shifoxona va hukumat binolari shikastlangan. Ayrim hududlarda ko‘chki sodir bo‘lgan, natijada 700 km uzunlikdagi muhim transport tomiri hisoblangan Transfloressk shossesi bir necha joyda to‘silib qolgan.

Zilzila tufayli ko‘plab hududlar elektr ta’minotidan uzilgan, bu ham ma’lumot tarqatish hamda qidiruv-qutqaruv ishlari olib borishni qiyinlashtirmoqda.

Yo‘llar to‘silgani va aloqa uzilgani tufayli qutqaruv guruhlari zilzila epimarkaziga yaqin joylashgan Nagekeo okrugiga yetib bora olmayapti. Komodo nomli turistik shahardagi aeroport qisman vayron bo‘lgan.

Zilzila tufayli ko‘plab hududlar elektr ta’minotidan uzilgan, bu ham ma’lumot tarqatish hamda qidiruv-qutqaruv ishlari olib borishni qiyinlashtirmoqda.

12 soat o‘tib Sumatra oroli sohillarida yana bir zilzila ro‘y berdi. U yerdagi jabrlanuvchilar va vayrongarchiliklar haqida ma’lumot yo‘q.

Rasmiylar sunami xavfi haqida ogohlantirish bergan va sohilga yaqin hududlar aholisini evakuatsiyaga chaqirgandi, ammo meteorologlar dengiz sathida jiddiy o‘zgarish yo‘q deb topishdi va bu ogohlantirish bekor qilindi.

Zilzila – Indoneziyada tez-tez ro‘y berib turadigan tabiat hodisasi hisoblanadi.

2004-yilda Sumatra sohillari yaqinida 9,1 magnitudali zilzila ro‘y berishi sunamiga olib kelgan va 220 mingga yaqin kishi halok bo‘lgandi.

2018-yilda Lombok orolida ro‘y bergan yer silkinishi 550 dan ortiq kishini hayotdan olib ketgan. O‘sha yili Sulavesi orolida ro‘y bergan yana bir zilzila va uning ortidan sunami ro‘y berishi 4,3 mingdan ortiq kishi hayotiga zomin bo‘lgandi.

Flores sohillaridagi eng jiddiy zilzila va sunami 1992-yilda kuzatilgan, o‘shanda 2,5 ming kishi halok bo‘lgandi. Oroldagi Labuan Bajo shahri yaqinida Komodo milliy bog‘i joylashgan bo‘lib, u yerda Komodo echkemarlari yashaydi va har yili ko‘plab sayyohlar tashrif buyuradigan maskanlardan biri hisoblanadi.