Putin Kemerovodagi savdo markazi ko‘zdan kechirilgani haqidagi hujjatni imzolagan odamni topishni buyurdi

Rossiya prezidenti Vladimir Putin Kemerovodagi “Zimnyaya Vishnya” savdo markazining 2016 yilda ko‘rikdan o‘tkazilgani haqidagi hujjatga imzo qo‘ygan odamni topishni buyurdi. 

Putin bu haqda tergov qo‘mitasi rahbari Aleksandr Bastrikin va sog‘liqni saqlash vaziri Veronika Skvortsova bilan uchrashuvda aytgan.

Putinning aytishicha, u 2016 yilda bino, jumladan “o‘t o‘chirish xizmati xodimlari tomonidan” ko‘rikdan o‘tkazilgani haqidagi hujjatni ko‘zdan kechirib chiqqan. 

“Men unda nimani o‘qidim? Hattoki g‘alati yangraydi: “e'tirozlarsiz”, deb aytgan Putin. 

U ushbu hujjatni topib, uni kim imzolaganini topishni buyurgan.