Nyu-York Appelyatsion sudi Lindsi Loxanning Take-Two kompaniyasiga nisbatan da'vosini bekor qildi va GTA V o‘yini uchun aktrisaning obrazi o‘zlashtirilgan deb topmadi. Aktrisa 2014 yilda sudga murojaat qilib, uning obrazidan foydalanilganlik va shaxsiy hayotga daxlsizlikning buzilishidan shikoyat qilgan.
Sudyaning qaroriga muvofiq, GTA V o‘yinidagi qiz obrazida Loxanning aniq yuz ifodalari yo‘q va Take-Two personajni yaratish uchun uning suratlaridan foydalanmagan. "Bu obrazda 20 yoshlar atrofidagi zamonaviy qizning satirik ko‘rinishi aks ettirilgan", - qo‘shimcha qilindi sudda.
Loxan GTA V yaratuvchilarini 2014 yilda sudga bergan: u ishlab chiquvchilarni uning ommaviy obrazidan foydalanish va shaxsiy hayotiga aralashishda ayblagan.
Syujyetga ko‘ra, Leysi Jonas o‘yinchidan paparatstsidan yashirinishga va uni uyiga olib borishga yordamlashishni so‘raydi. U anoreksiyadan aziyat chekkani va "qishloq shevasi"ga qarshi kurashish uchun millionlab dollarlar sarflaganini aytib beradi. Da'vo arizasida personaj Loxanga taqlid qilishi va Hollivuddagi aynan Lindsi borgan mehmonxonalarga borishi aytilgan.
