Saloh «Real» oldiga shart qo‘ydi - OAB

«Liverpul» hujumchisi Muhammad Saloh Ispaniya chempionatiga ko‘chib o‘tishga qarshi emas.

Don Balon nashri bergan xabarda yozilishicha, futbolchi Madridning «Real» klubi vakillari bilan muzokaralar o‘tkazishga ulgurgan.

Qayd qilinishicha, futbolchi «qaymoqranglilar» oldiga aniq shart qo‘ygan. 25 yoshli futbolchi muntazam asosiy tarkibda to‘p surishni va faqatgina Krishtianu Ronaldunikidan kam bo‘lgan maosh berishlarini so‘ragan.

Joriy mavsumda «qizillar» hujumchisi barcha musobaqalarda jami 42 uchrashuvda maydonga tushib, 37 gol va 12 golli uzatma muallifi bo‘lgan. Uning «Liverpul» bilan amaldagi shartnomasi 2022 yilga qadar davom etadi. Uning transferi 80 mln yevroga baholanmoqda.