Rossiya prezidenti Vladimir Putin Anqaraga keldi. U Turkiya poytaxtida ikki kun bo‘ladi.
Qayd etish kerakki, bu Putinning prezidentlik saylovidan keyingi ilk xorijiy tashrifi bo‘ldi.
Vladimir Putin Turkiya prezidenti Rajab Toyyib Erdo‘g‘anning taklifiga binoan Anqaraga keldi.
Tashrif davomida Rossiya rahbari «Akkuyu» AES qurilishi boshlanishi munosabati bilan o‘tkaziladigan marosimda ishtirok etadi.
Marosimdan keyin Turkiya va Rossiya hamkorlik kengashining oliy darajadagi yig‘ilishi bo‘lib o‘tadi, uning yakunida davlatlar rahbarlari qator hujjatlarni imzolashi kutilmoqda.
4 aprel kuni Rossiya, Turkiya va Eron prezidentlari ishtirokida uch tomonlama uchrashuv tashkil etiladi.
