“Qizilqumsement” korxonasida yong‘in, ikki kishi kasalxonaga olib ketildi

Navoiy shahrida yong‘in yuz berdi, deb xabar qilmoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

Qayd etilishicha, 2 aprel kuni soat 09.55da, Navoiy ko‘chasida joylashgan hozirda ta'mirlash ishlari olib borilayotganligi sababli ish faoliyati vaqtincha to‘xtatilgan “Qizilqumsement” AJ korxonasida yong‘in sodir bo‘lgan. 

Ko‘rilgan choralar natijasida yong‘in o‘chirilgan. Yong‘in oqibatida korxonadagi sovitish inshootining ichki qismi yonib zarar ko‘rgan, hamda shu korxona ishchilari, 1967 yilda tug‘ilgan Sh.P. va 1960 yilda tug‘ilgan S.I. kuyish jarohatlari bilan kasalxonaga yotqizilgan. Surishtiruv ishlari olib borilmoqda.