Yevroittifoq Eronga qarshi sanksiyalarni bir yilga uzaytirdi

YeI Eronda inson huquqlari buzilishi tufayli joriy etilgan sanksiyalarni yana bir yilga uzaytirdi. Bu haqda YeI Kengashidan xabar berishgan.

"Kengash Eronda inson huquqlarining jiddiy buzilishlariga javoban cheklov choralarini 2019 yilning 13 apreliga qadar uzaytirdi. Bu choralar 82 shaxs va bir tashkilotga nisbatan safarlarga taqiq hamda aktivlarni muzlatib qo‘yishni o‘z ichiga olgan. Shuningdek, Eronga ichki ta'qiblar uchun foydalanilishi mumkin bo‘lgan uskunalar va telekommunikatsiyalarni kuzatib borishga qurilmalar eksportiga taqiq joriy etildi", - deyiladi matbuot xizmat xabarida.

Bu cheklov choralari 2011 yilda qabul qilingandi.