Telegram yuristlari shikoyat bilan chiqishadi

Foto: Dado Ruvic/Reuters

Telegram yuristlari Moskva shahri Taganka sudining messenjerni bloklash haqidagi qaroriga shikoyat berish niyatida ekanliklarini ma'lum qilishdi. Bu haqda Gazety.ru «Agora» Xalqaro huquq himoyasi guruhi vakili Dmitriy Kolbasinga asosan xabar bermoqda.

«Xalqaro Agora advokatlari bugungi sharmandali jarayonda ishtirok eta olishmadi. Hozir bizga sudning bugungi qarorini olishimiz, uni o‘rganib chiqishimiz muhim va, albatta, bizning advokatlar u bo‘yicha shikoyat bilan chiqishni rejalashtirishmoqda», - deya ma'lum qilgan Kolbasin.

Eslatib o‘tamiz, avvalroq sud Telegram'ni Rossiyada bloklashga ruxsat bergani xabar qilingandi.