Bu jinoyat - Tehron

Eron Oliy yetakchisi oyatulloh Ali Xomanaiy AQSh, Buyuk Britaniya va Fransiya qurolli kuchlarining Suriyaga zarbasini jinoyat, deb atadi.

Xomanaiy milliy televideniye orqali chiqish qilib, shunday degan: «Suriyaga hujumlar – bu jinoyat».

Uning so‘zlariga ko‘ra, AQSh, Fransiya va Buyuk Britaniya yetakchisi Donald Tramp, Emmanuel Makron hamda Tereza Mey bu «jinoyatda» aybdordir.

Eslatib o‘tamiz, avvalroq Eron TIV AQSh, Buyuk Britaniya va Fransiya tomonidan Suriya hududiga qarata berilgan raketa zarbalarini qat'iy qoralashi xabar berilgandi.