Mey Suriyaga zarbalar muvaffaqiyati haqida ma'lum qildi

Buyuk Britaniya bosh vaziri Tereza Meyning ma'lum qilishicha, Suriyaga berilgan zarbalar muvaffaqiyatiga ishonadi. Bu haqda Reuters xabar bermoqda.

«Aviazarbalarni to‘liq baholash ishlari davom etmoqda. Bizning ishonchimiz komilki, ular muvaffaqiyatli bo‘lgan», - deya aytib o‘tdi u matbuot anjumani davomida.

Meyning ta'kidlashicha, zarbalar berish haqidagi qaror Suriya hukumati kimyoviy qurolni qo‘llaganidan so‘ng qabul qilindi.

Eslatib o‘tamiz, avvalroq Buyuk Britaniya bosh vaziri Tereza Mey Britaniya qo‘shinlariga Suriya hududiga aniq zarbalar berish haqida buyruq bergani haqida ma'lum qilgandi. Bu kimyoviy qurolni yo‘qotish maqsadida amalga oshirilgan.

«Gap fuqarolik urushiga aralashuv haqidagi ketayotgani yo‘q. Gap rejimni o‘zgartirish haqida ketayotgani yo‘q. Gap cheklangan va aniq zarbalar haqida bormoqda, u mintaqadagi keskinlikni oshirmaydi», - deyilgan bayonotda.