O‘zbekiston xalqaro islom akademiyasiga rektor tayinlandi

O‘zbekiston Respublikasi Vazirlar Mahkamasining 2018 yil 18 apreldagi qaroriga muvofiq O‘zbekiston xalqaro islom akademiyasiga Ne'matulla Ibragimov rektor etib tayinlandi. Bu haqda Adliya vazirligi matbuot xizmati xabar bergan.

Biroz oldinroq O‘zbekiston Respublikasi prezidentining «Diniy-ma'rifiy soha faoliyatini tubdan takomillashtirish chora-tadbirlari to‘g‘risida»gi Farmoni bilan O‘zbekiston xalqaro islom akademiyasi tashkil etilgandi.

O‘zbekiston xalqaro islom akademiyasi:

Qur'on ilmlari, hadis, islom huquqi, aqida, tasavvuf, islom iqtisodiyoti va moliyasi, xalqaro munosabatlar, xorijiy tillar (arab, fors, ingliz, rus, urdu, turk va boshqalar) va boshqa xalqaro miqyosda ehtiyoj mavjud bo‘lgan sohalar bo‘yicha malakali kadrlarni tayyorlashga, o‘rta maxsus, oliy ta'lim, oliy ta'limdan keyingi ta'lim, malaka oshirish bosqichlarida uzluksiz ta'limning yaxlit tizimini tashkil etishga va ilmiy merosni chuqur tadqiq qilish va asrab-avaylashga, diniy va dunyoviy bilim berishga ixtisoslashgan yetakchi ta'lim va ilmiy-tadqiqot muassasasi hisoblanadi;

respublikadagi barcha islom ta'lim muassasalari faoliyatini o‘quv-me'yoriy va o‘quv-uslubiy jihatdan ta'minlash hamda muvofiqlashtirishni amalga oshiradi.