Rossiya aviakompaniyasi O‘zbekistonga parvozlarni yo‘lga qo‘ymoqda

Rossiyaning Red Wings Airlines aviakompaniyasi O‘zbekistonga parvozlarni amalga oshira boshlaydi, deb xabar bermoqda Spot.

Kompaniyadan xabar berishlaricha, may oyidan boshlab Moskvadagi «Domodedovo» aeroportidan Navoiy, Namangan va Farg‘onaga parvozlar yo‘lga qo‘yiladi.

Bu O‘zbekiston va Rossiya avvalroq mamlakatlar o‘rtasidagi reyslar sonini keskin oshirish to‘g‘risida kelishib olganidan so‘ng ro‘y beryapti.

Reyslar dushanba (Farg‘ona), payshanba (Namangan) va juma (Navoiy) kunlari Airbus A321 samolyotlarida amalga oshiriladi.

Chiptalar sotuvga chiqarilgan va bir tomonga 9,5 ming rubldan boshlanmoqda (1,2 mln so‘m).