Foto: Illyustrativ surat /anna-news.info
Venesuela TIV rahbari Xorxe Arreasa Yevropa ittifoqiga mamlakatning muzlatib qo‘yilgan moliyaviy aktivlarini ochish iltimosi bilan murojaat qildi. Bu haqda Globovision xabar bermoqda.
«Venesuela adolatli harakatlarni amalga oshirish haqida so‘ramoqda, bunda Yevropa moliyaviy institutlari Venesuela davlatining muzlatib qo‘yilgan mablag‘lari va tranzaksiyalarini blokdan chiqarishi kerak», - deya aytib o‘tdi u.
Arreasning so‘zlariga ko‘ra, bunday iltimos YeI ushbu masalada AQSh siyosatiga bog‘liq emasligi bo‘yicha taxminlarga asoslangan. Xususan, bunda Donald Tramp ma'muriyatining Venesuela iqtisodiyoti va xalqiga qarshi qo‘llagan majburiy, bir tomonlama va noqonuniy choralari ham tilga olingan.
