Qozog‘iston tashqi ishlar vaziri Qayrat Abdrahmanov Turkiya prezidenti Rajab Toyyib Erdo‘g‘an bilan uchrashdi. Bu haqda Qozog‘iston TIV matbuot xizmati xabar bergan.
Abdrahmanovning ta'kidlashicha, Qozog‘istonda Erdo‘g‘anning Qozog‘iston-Turkiya strategik hamkorligini mustahkamlashdagi roliga alohida ahamiyat berishadi. Birgalikdagi sa'y-harakatlari tufayli Qozog‘iston va Turkiya rahbarining islom dunyosidagi kelishuv jarayonlarini faollashtirish haqidagi bayonoti berildi.
2017 yil sentabr oyida Turkiya raisligi doirasida Ostona shahrida ilm-fan va texnologiyalar bo‘yicha IHT sammiti bo‘lib o‘tdi, deya eslatgan Abdrahmanov. Uchrashuv chog‘ida Turkiya rahbari Nursulton Nazarboyevga Qozog‘istonning rohingya musulmonlariga insonparvarlik yordami ko‘rsatilishiga qo‘shgan hissasi uchun minnatdorchilik bildirdi. Bundan tashqari, Turkiya prezidenti Nazarbayev qo‘llab-quvvatlovi bilan o‘tkazilayotgan Suriya bo‘yicha Ostona jarayonining muhimligini ta'kidladi. Uning fikricha, bu Qozog‘istonning jahon miqyosidagi obro‘-e'tiborini kuchaytirdi.
Erdo‘g‘anning so‘zlariga ko‘ra, kafolatchi davlatlar Suriyadagi vaziyatni barqarorlashtirishga intiladi, 4 aprel kuni Ankarada bo‘lib o‘tgan uchrashuvda Turkiya, Rossiya va Eron rahbarlari shu haqda kelishib olgan.
