Ozarboyjon parlamenti mamlakat prezidentining tashqi siyosiy masalalar bo‘yicha yordamchisi Navro‘z Mamedov nomzodini bosh vazir lavozimiga tasdiqladi. Bu haqda RIA «Novosti» xabar bermoqda.
Ozarboyjon prezidenti Ilhom Aliyev tomonidan taklif etilgan nomzod bir ovozdan tasdiqlangan.
Eslatib o‘tamiz, Ozarboyjonda 11 aprel kuni navbatdan tashqari prezidentlik saylovlari bo‘lib o‘tdi. Ularda davlatning amaldagi rahbari Ilhom Aliyev saylovchilarning 86,02 foiz ovozini olgan holda g‘alaba qozondi.
