Ukraina HDK Qrimga yaqin hududda mashqlar o‘tkazdi

Ukraina qurolli kuchlarining harbiy-dengiz kuchlari Qrimga yaqin hududda dengiz sohilini mudofaa qilish bo‘yicha mashqlar o‘tkazdi. Bu haqda mahkamaning Facebook’dagi sahifasida xabar berilgan.

«Ukraina qurolli kuchlarining harbiy-dengiz kuchlari dengiz sohilini mudofaa qilish bo‘yicha mashqlar o‘tkazdi...», - deyiladi xabarda.

Ta'kidlanishicha, dengiz piyoda askarlari shartli raqibning dengiz desanti hujumini qaytarish bo‘yicha vazifalarni bajardi hamda tahdid soluvchi yo‘nalishlarda bo‘linmalar manyovrini amalga oshirdi.

O‘z navbatida, artilleriya bo‘linmalari ham o‘quv mashg‘ulotlarini muvaffaqiyatli o‘tkazgan.

Eslatib o‘tamiz, avvalroq Poroshenko Rossiyaning «zaif tomoni» haqida ma'lum qilgandi.